Нәүрүз - язны каршылап, язгы чәчү эшлләре алдыннан үткәрелә торган халык бәйрәме ул. Нәүрүз сүзе яңа көн (ел) дигәнне аңлата. Нәүрүз бәйрәме – ул игелек, дуслык бәйрәме. Безнең “Тургай” балалар йортында тәрбияләнүче балаларга да, Икшермә авыл җирлегендә булып узган, күркәм Нәүрүз бәйрәмендә катнашырга насыйп булды. Уен-көлке, җыр-бию, күңелле уеннар күп булды элеге бәйрәмдә. Балалар уеннарда катнашып бүләкләр оттылар һәм инде, әлбәттә, күркәм йола буенча “Карга боткасы” белән сыйландылар. Балалар бәйрәмнән бик канәгать калып, күтәренке кәеф белән кайттылар.